عايز بلونة

مرة 3 أطفال راحوا محل لعب

واد منهم بيقول للراجل : عمو عمو عايز بلونة .. 

الراجل جاب السلم وطلع جابله بلونة ونزل 

وسأل التاني: وانت عايز ايه ? قاله عايز بلونة .. 

قاله وماقلتش ليه منا كنت فوق !! 

المهم طلع جابهاله وهو فوق سأل الواد الثالث: وانت كمان عايز بلونة ??? قاله لأ..

فنزل الراجل وسأله : امال عايز ايه ? 

قاله عايز بلونتين

البلكونة فكرة مقنعة

اتنين حراميه دخلوا شقة بليل .. 

صاحب الشقة صحى فجأة فواحد منهم استخبى فى البلكونة والتانى استخبا فى الحمام .. 

شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ 

فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلكونة دى ... 

الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه

مشكلة الرفيعة

واحدة رفيعه قووووى ومش بيجلها عرسان خالص من رفعها .. 

امها جاتلها فكرة انها تجيب جرايد كتير و تلفها حولين البنت من تحت الهدوم فـتبان تخينة شوية .. 

واحد شافها وعجبته واتجوزها وليلة الدخله كل ميشيل جرنال يلاقى واحد تحته ، يشيله يلاقى جرنال تحته..

سابها وراح اتصل بحماته وقالها : ايه يا حجه ؟ هيا بنتك على الصفحة كام